Жетіқара ауданының геологиясы туралы алғашқы мәліметтер 1858 жылғы Оңтүстік Оралды зерттеген Меглицкий мен Антиповтың еңбектерінде кездеседі. Бұл еңбектерде Шортанды өзенінің қималарында серпентиниттер кездесетіні айтылған, ал серпентиниттер, әдетте, хризотил-асбест кен орындарымен байланысты болады.

1915 жылы геолог Вознесенский В.А. Шортанды өзенінің оң жағалауындағы серпентиниттерде көптеген асбест желілерінің бар екенін атап өтті.

Ал 1916 жылы пайдалы қазбалар кен орындарының картасында Жетіқараның орнында асбест кен орны белгіленді.

Кен орнына қызығушылық 1934 жылы қайта жанданды. Сол жылы Тарасов К.Е. басқаратын «Союзасбест» трестінің геологиялық тобы Жітіқара гипербазиттерінің асбестке байлығын зерттеу бойынша арнайы жұмыстар жүргізді. Нәтижесінде кеннің асбестке бай қанықтылығы анықталды.

Тек 1951 жылы ғана геолог Н.С. Черемных басқаратын Жітіқара геологиялық барлау тобы кен орнын егжей-тегжейлі зерттеуді бастады. Осы жұмыстардың нәтижесінде кен орны КСРО-дағы ең ірі кен орындарының қатарына кірді.

1958 жылғы 21 маусымда КСРО Министрлер Кеңесінің №764 қаулысы «Асбест өндіру мен өндірісін одан әрі дамыту туралы» қабылданып, Жітіқара хризотил-асбест кен орнын игерудің бастамасы болды.

1959 жылы карьердің құрылысы басталды. 1960 жылғы 10 мамырда №1 фабриканың құрылысы басталды.

1964 жылғы 5 қазанда алғашқы тонна кен өндірілді.

1965 жылғы ақпанда алғашқы бірнеше жүз килограмм тауарлық асбест өндірілді. 1965 жылғы 22 ақпанда алғашқы тонна сұрыпталған асбест жөнелтілді.

1975 жылы жобалық қуат деңгейіне – 603 мың тонна сорттық асбестке қол жеткізілді.

«Қостанайасбест» комбинаты ең жоғары өнім өндіру көлеміне 1975–1981 жылдары жетіп, жыл сайын 600 мың тоннадан астам сорттық асбест өндірді.

1976 жылы қуаты 403,8 мың тонна болатын асбесттің сорттық екінші кезегі пайдалануға берілді.

1980 жылдың қараша айында 100 млн тонна кен өндірілді.

90-жылдардың соңында, «Қостанайасбест» күйреудің аз-ақ алдында тұрғанда, тізгінді Еркен Тәтишев бастаған жас менеджерлер тобы ұстады. Осы кезеңде кейіннен «Қостанай минералдары» АҚ болып қайта аталған комбинаттың дамуындағы жаңа кезең басталды. Содан бері, жиырма жылға жуық уақыт бойы кәсіпорын барлық қиындықтарға қарамастан өркендеп, болашаққа нық сеніммен қадам басып келеді.

Осы уақытта «ҚМ»-ның басшылығында Қанат Қуатжанұлы Жүсіпов болды. Ол кәсіпорынның дамуына қуатты серпін бере алды. «ҚМ» АҚ-на 2010 жылға дейін жетекшілік етті. Сол жылдары комбинат қала абаттандыруына, оның әлеуметтік саласына зор көңіл бөлді. Бұл үрдіс әлі де жалғасуда.

2010 жылы басқарма тізгіні Самат Сағынбайұлы Акишевке берілді. Қазіргі уақытта ол «ҚМ» АҚ директорлар кеңесінің төрағасы болып табылады, ал кәсіпорынды басқару – жаңа буынның жас, білімді, оң мағынада өршіл менеджері Ербол Сапарбайұлы Нұрхожаевтың қолында. Ол 2012 жылдың қараша айында «ҚМ» АҚ басқарма төрағасы болып тағайындалып, бүгінгі күнге дейін осы қызметті атқарып келеді.