Еңбекті қорғау және
өнеркәсіптік қауіпсіздік

«Біз үшін ең маңыздысы – қызметкерлеріміз бен олардың отбасыларының қауіпсіздігі, денсаулығы мен амандығы. Адам өміріне немесе денсаулығына ешқандай минерал қажет емес, сондықтан біз үшін қауіпсіздік әрқашан бірінші орында.»

«Костанайские минералы» АҚ-дағы еңбекті қорғауды басқару жүйесі өндірісті басқарудың ажырамас бөлігі болып табылады және Қазақстан Республикасының заңнамасына және өнеркәсіпте қолданылатын нормативтік-техникалық құжаттарға сәйкес салауатты және қауіпсіз еңбек жағдайларын қамтамасыз ету жөніндегі міндеттерді айқындайды.

Кәсіпорынның барлық жұмыс орындарында «нөлдік жарақаттануды» қамтамасыз ету үшін әрбір қызметкер өзінің қауіпсіздігіне де, сондай-ақ бүкіл ұжымның қауіпсіздігіне де жауап береді. Біз сондай-ақ еңбекті қорғау және қосалқы мердігерлер мен басқа да байланысты тараптардың қауіпсіздігін қамтамасыз ету үшін көп күш жұмсаймыз.

«Біздің жұмысшылардың қауіпсіздігі туралы сөз болғанда, біз ешқашан ымыраға келмейміз. Біз тәуекелдерді анықтауға, кәсіптік оқытуға және өнеркәсіптік қауіпсіздік саласындағы үздік басқарушылық стандарттарға сәйкестікке едәуір қаражат саламыз.»

Еңбек қауіпсіздігі және еңбекті қорғау, өнеркәсіптік қауіпсіздік бойынша заңнамалық бекітілген нормалардан басқа, қосымша шаралар қабылданады: санитарлық-гигиеналық еңбек жағдайларын сақтау, алдын алу іс-шараларын әзірлеу үшін кәсіптік қауіп-қатер деңгейлерін белгілеу, кәсіптік аурулардың алдын алу. Кәсіпорында жұмыс ортасының зиянды факторларын бақылау және жою бойынша жұмыстар үнемі жүргізіледі, санитариялық зертхана өнеркәсіптік аймақ аумағында және қала шегінде ауадағы шаңның құрамына тұрақты мониторингті жүзеге асырады.

«Костанайские минералы» АҚ барлық мамандары қызметінің басты бағыттарының бірі – қызметкерлерді кәсіби тәуекелдерден қорғау деңгейін арттыру, өндірістік жарақаттар мен кәсіби ауруларды қысқарту, сондай-ақ Қазақстан Республикасының қолданыстағы нормативтік актілеріне сәйкес бөлімшелерде салауатты және қауіпсіз еңбек жағдайларын қамтамасыз ету.